Google-ը ժամանակավորապես արգելում է բժշկական դիմակների գովազդները։
Google-ի խոսնակը նշել է, որ որոշել են ժամանակավոր արգելափակել բժշկական դիմակների վերաբերյալ գովազդները։ Նաև ավելացրել է, որ ակտիվորեն հետևում են իրավիճակի զարգացումներին և կշարունակեն անհրաժեշտ գործողություններ ձեռնարկել՝ պաշտպանելու օգտատերերին։
Սահմանափակումն այժմ միայն վերաբերում է դիմակներին, և այն չի արգելում այլ պրոդուկտների գովազդները, որոնք կարող են պաշտպանել մարդկանց, ինչպես օրինակ` hazmat suit-երն ու ախտահանիչ միջոցներն են։
Google-ը նաև նշել է, որ շարունակում է քննարկել այլ պրոդուկտների գովազդներն արգելափակելու հարցը և հայտարարել է, որ մի քանի օր կտևի բոլոր գովազդներն արգելափակելու գործընթացը, որը նշանակում է, որ օգտատերերը դեռ մի քանի օր էլ կարող են տեսնել այդպիսի գովազդներ։
